Sadiku: Banale kërkesa e ambasadorëve ndaj institucioneve të Kosovës (VIDEO)

Ermal Sadiku ka thënë se reagimi i ambasadorëve ndërkombëtarë të akredituar në Kosovë në lidhje me çështjen e dinarit, ka qenë banal. Në Rubikon të Klan Kosova, ai tha se nëse qeverive vazhdimisht u bëhen kërkesa nga partnerët ndërkombëtarë, atëherë ne nuk kemi nevojë për qeveri. “Këta ambasadorë ish dashur të bëjnë presion në qeveri që të krijohet një shtet funksional. Këta e kanë pranuar një shtet siç është, dhe tash të bëhen kërkesa të tilla për shtyrje të proceseve që nuk kanë lidhje me asgjë tjetër... mendoj që kërkesa është banale. Jemi në vitin 2024 dhe ky proces është dashur të kryhet shumë moti. Nëse në çdo kërkesë të tillë, cilado qeveri, do ta ketë problem ta zbatojë politikën e vet sepse duhet të merret vesh me partnerë ndërkombëtarë, atëherë unë iu them, ‘çka po bëni, pse po dilni me qeveris një vend kur nuk jeni në gjendje të merrni vendime tuaja, por duheni gjithmonë të prisni mos po prishim diçka’”, deklaroi Sadiku. Ai tha se çështja e dinarit është thjeshtë një teknikalitet ndaj të cilit nuk duhet të ndërhyhet nga jashtë.