Sacchi: Ronaldo duhet t'i përshtatet Juventusit

Trajneri legjendar italian Arrigo Sacchi ka thënë se transferimi i Cristiano Ronaldo tek Juventus mund të prodhojë rezultate të kaheve krejt të ndryshme. Sacchi e pati kritikuar Ronaldon për formën e tij me Real Madridin gjatë përfundimit të stinorit 2014-15, ndërsa tani ka folur përsëri për numrin 7 pas transferimit të tij në Juventus. Ai ka nënvizuar se rezultatet do të jenë të varura nga mënyra si Ronaldo bëhet pjesë e skuadrës, që në vitet e fundit vazhdimisht ka treguar lidership të fortë. “Në kohët e fundit nuk jemi mësuar që ti shohim lojtarët më të mirë në Itali, dhe Ronaldo është më i miri, ndoshta në mesin e dy më të mirëve”, tha ai për Canale 5. “Për këtë e uroj Juventusin. Kjo marrëveshje nuk do t’i sjellë të mira vetëm Juventusit por edhe futbollit italian në përgjithësi”. “Portugezi përveç që është një lojtar i madh, është një profesionist i madh. Juventusi janë një klub i madh të cilët dinë se si ta menaxhojnë buxhetin e tyre, dhe nuk kam asnjë dyshim se kjo marrëveshje është kryer mirë”. “Dyshimi i vetëm që kam është se Juventusi ka një lidership të fortë në kohët e fundit. Pagat kanë qenë të ndryshme, por rregullat kanë qenë të njëjta për të gjithë dhe kjo duhet të ndodh edhe me Ronaldon”. “Nëse jo, problemet mund të lindin në dhomën e zhveshjeve, e cila është menaxhuar me mjeshtri nga klubi, kontribut në të ka dhënë edhe Allegri po ashtu me një punë të shkëlqyer”.