Sa kohë mund të jeni pozitiv me COVID-19 dhe kur jeni infektues?

Për më shumë se dy vjet, pandemia e COVID-19 e e bllokoi botën, pasi virusi u përhap me shpejtësi marramendëse në të gjithë globin. Ndërsa bllokimet në nivel botëror janë drejt përfundimit, virusi është ende me ne, shkruan Independent, transmeton Klankosova.tv. Rastet kanë filluar të rriten përsëri, dhe ka paralajmërime se koronavirusi do të bëjë presion edhe këtë dimër. Goditja e fundit e madhe e pandemisë, derisa kufizimet ishin ende në fuqi, ishte Omicron. Ky variant u përhap me shpejtësi në mbarë botën dhe që atëherë ka prodhuar një sërë nën-variantesh. Omicron rezultoi të ishte më pak i rëndë, por më i transmetueshëm se variantet e tij paraardhëse Alpha dhe Delta, transmeton Klankosova.tv. Lloje të ndryshme, ndikim të ndryshëm Ajo që zyrtarët e shëndetit publik i befasoi ishte mbërritja e variantit të ri, i cili ndryshonte krejtësisht nga lloji origjinal i Covid. Ndërsa Organizata Botërore e Shëndetësisë vlerësoi se simptomave u deshën diku nga dy ditë deri në dy javë për t'u materializuar në rastet e njerëzve të infektuar me llojin e parë të koronavirusit, Omicron rezultoi të inkubohej shumë më shpejt, afër tre deri në pesë ditë. Kjo shpjegoi pse ky lloj ishte në gjendje të përhapej kaq shpejt dhe me sukses, pasi shkurtësia e periudhës së tij të inkubacionit u dha të sëmurëve një periudhë më të shkurtër midis dyshimit se kishin kontraktuar virusin dhe përjetimit të një shpërthimi. Simptomat  Shenjat e hershme paralajmëruese për variantin e ri, përfshinin gërvishtje të fytit, dhimbje në pjesën e poshtme të shpinës, rrjedhje të hundës ose bllokim, dhimbje koke, dhimbje muskulore dhe lodhje, teshtitje dhe djersitje gjatë natës. Mungesa e frymëmarrjes, e përjetuar nga disa të sëmurë, shpesh zgjaste deri në 13 ditë pasi kishin kaluar simptomat e tjera. Pacientët me Covid zakonisht mendohet se janë infektues ndaj të tjerëve rreth dy ditë para fillimit të materializimit të simptomave të tyre të para dhe për rreth 10 ditë më pas. /Klankosova.tv/