Ryan Reynolds nuk bën filma në të njëjtën kohë me gruan e tij Blake Lively

Pavarësisht agjendës të ngjeshur të tij me punë, 42 vjeçari Ryan Reynolds nuk është kurrë larg bashkëshortes së tij, 31 vjeçares Blake Lively, dhe dy vajzave të tyre James (4) dhe Inez (2). Kjo, sipas tij, sepse familja duhet të qëndrojë gjithmonë bashkë. “Blake dhe unë nuk xhirojmë dhe punojmë për një film në të njëjtën kohë. Nëse ajo është duke xhiruar për një film në Tajlandë dhe unë jam duke xhiruar për filmin tim në Vancouver ne nuk do ta shihnim njëri-tjetrin asnjëherë. Ne punojmë si një ekip dhe kjo në fakt është diçka që funksionin për ne”. “Fëmijët rrinë me ne dhe familja qëndron së bashku – kjo është shtëpia. Nëse ne jemi në Spanjë, Utah ose New York, derisa jemi të gjitha bashkë, ne jemi në shtëpi”, ka thënë Reynolds. Aktori së fundmi ka qenë në Tokyo duke e promovuar filmin e tij të ri "Pokémon Detective Pikachu" ku është zëri i Pikachus. Pas shumë vjetëve që në rolin e superheroit Deadpool, Reynolds ka thënë se është i lumtur që është pjesë e një filmi që është i përshtatshëm për t’u parë nga dy vajzat e tij të vogla.