Rusia sulmon trenin ukrainas, Zelensky e dënon ashpër aktin “terrorist”

Presidenti ukrainas, Volodymyr Zelensky e ka dënuar si "terrorizëm" sulmin me dron rus ndaj një treni pasagjerësh, që zyrtarët vendas thonë se vrau të paktën katër persona. Zelensky tha se katër persona të tjerë rezultojnë të zhdukur pasi treni me më shumë se 200 pasagjerë u godit në rajonin verilindor të Kharkiv të Ukrainës të martën, shkruan BBC, transmeton Klankosova.tv. Zyrtarët në portin jugor të Odesës në Ukrainë thanë se tre persona u vranë në një sulm me dron rus gjatë natës. Rusia nuk ka komentuar. Moska në muajt e fundit ka intensifikuar sulmet e saj me dron dhe raketa që synojnë infrastrukturën energjetike dhe të transportit të Ukrainës, ndërsa vendi përballet me dimrin më të ashpër në vite.