Rusia raporton raste të reja me një nënvariant të Deltës

Rusia ka raportuar raste të reja me nënvariantin e Deltës për të cilin besohet se është shumë më shpejt përhapet, të enjten deklaroi kështu studiuesi i lartë i mbikëqyrësit shtetëror të konsumatorëve. Studiuesi Kamil Khafizov ka deklaruar se nënvarianti AY.4.2 ka gjasa të përhapet për 10 përqind më shpejtë se sa varianti origjinal i Deltës, i cili ka shkaktuar një numër të madh të të infektuarve dhe të vdekurve. Megjithatë, ai tha se ky nënvariant ka gjasa të jetë një proces i ngadaltë, shkruan Reuters, transmeton Klankosova.tv. "Vaksinat janë mjaft efektive kundër këtij versioni të virusit, i cili nuk është aq i diferent sa të ndryshojë në mënyrë dramatike aftësinë për t'u lidhur me antitrupat", tha Khafizov. AY.4.2 është shfaqur edhe në Britani të Madhe ku gjashtë përqind e rasteve të reja me COVID-19 që janë shënuar nga 27 shtatori janë me këtë nënvirus, thuhet në një raport të Agjencisë së Sigurisë Shëndetësore të Mbretërisë së Bashkuar të publikuar më 15 tetor.