Lajmet e fundit
Presidenti ukrainas Volodymyr Zelensky thotë se përdorimi i një rakete të re balistike nga Rusia në Dnipro gjatw ditws sw djeshme tregon një "përshkallëzim të qartë dhe të ashpër" të luftës.
“Përdorimi i një rakete balistike kundër Ukrainës sot është edhe më shumë provë se Rusia nuk ka interes për paqen”, tha Zelensky.
Ky veprim ishte "hapi i dytë" i liderit rus Vladimir Putin në përshkallëzimin e luftës, tha Zelensky, i pari që ishte përdorimi i më shumë se 10,000 ushtarëve të Koresë së Veriut në konfliktin në vazhdim.
Zelensky tha se Putini "i shpërfill thirrjet nga Kina, Brazili, vendet evropiane, Shtetet e Bashkuara dhe të tjerët" dhe ai "po bën gjithçka për të zgjatur" konfliktin që filloi më shumë se një mijë ditë më pare, raporton BBC, transmeton Klankosova.tv.
"Bota duhet të përgjigjet," tha ai, duke thënë se "mungesa e reagimeve të ashpra ndaj veprimeve të Rusisë dërgon një mesazh se një sjellje e tillë është e pranueshme".
"Rusia duhet të detyrohet në paqe të vërtetë, e cila mund të arrihet vetëm me forcë. Përndryshe, do të ketë sulme, kërcënime dhe destabilizime të pafundme ruse - jo vetëm kundër Ukrainës."
