Rusia nuk do të kthehet në G7, thotë ministri gjerman i Financave

Rusia nuk do të ripranohet në Grupin e Shtatë vendeve siç ka kërkuar presidenti i SHBA-së, Donald Trump, tha në një intervistë për Reuters ministri gjerman i Financave Joerg Kukies.

“Dënimi nga G7- i luftës së agresionit të Rusisë është shumë i qartë, veçanërisht në përvjetorin e tretë të sulmit brutal të Rusisë”, tha Kukies, duke shtuar se propozimi i Trumpit nuk do të marrë unanimitetin e kërkuar, raporton Reuters, transmeton Klankosova.tv.

Kukies do të udhëtojë të martën në Cape Town për takimin e ministrave të financave të G20, me Sekretarin e Thesarit të SHBA Scott Bessent që do të qëndrojë larg për shkak të një konflikti orar.