Rusia dënon me burgim të përjetshëm dy ushtarë rusë për vrasjen e një familjeje në Ukrainë

Një gjykatë ruse ka dënuar dy ushtarë rusë me burgim të përjetshëm për vrasjen e një familjeje prej nëntë anëtarësh në Ukrainë, në një shembull të rrallë të vendit që mban trupat e tij përgjegjës për krime të dyshuara lufte.

E gjithë familja Kapkanets u vra në shtëpinë e tyre në rajonin e Donetsk në tetor të vitit të kaluar nga Anton Sopov, 21 vjeç dhe Stanislav Rau, 28 vjeç, thanë prokurorët. Mes viktimave ishin dy fëmijë të moshës pesë dhe nëntë vjeç, shkruan BBC, transmeton Klankosova.tv.

Familja kishte festuar një ditëlindje në atë kohë, tha Avokati i Popullit i Ukrainës, Dmytro Lubinets një ditë pas vrasjeve.

Disa detaje të rastit janë të paqarta, si për shembull nëse ushtarët e pranuan fajësinë, pasi gjyqi u mbajt me dyer të mbyllura për shkak të sekretit ushtarak, raportojnë mediat ruse.