Rumunët në gjendje të rëndë nga COVID-19 po trajtohen në spitalet gjermane

Një aeroplan ushtarak rumun solli të martën gjashtë pacientë me COVID-19 në Gjermani për trajtim. Avioni u ul në aeroportin e Hamburgut dhe pacientët, të cilët janë të sëmurë rëndë, u transportuan në disa spitale gjermane në qytetet Hamburg, Kiel dhe Lübeck, shkruan AP, transmeton Klankosova.tv. Në ditët në vijim priten më shumë avionë që të sjellin pacientë rumunë me COVID-19 në Gjermani. Rumania aktualisht është veçanërisht e goditur nga pandemia, mes një sistemi shëndetësor të mbingarkuar. Për shkak të ashpërsisë së situatës, Komisioni i BE-së së fundi dërgoi mjekë dhe pajisje mjekësore në vend.