Rumunët e ‘frikësuar’ nga futbolli shqiptar, presin sonte kampionët e Kosovës

Nga Liga e Kampionëve i ‘shporri’ Shkëndija! Tronditja që pësoi klubi më i trofeshëm rumun nga eliminimi prej ekipit shqiptar nga Tetova, bëri që drejtuesit e Steaua Bukureshtit të deviojnë në diskursin futbollistik. Presidenti i kësaj skuadre, fillimisht e quajti turpërim atë që i ngjau me kuqezinjtë, kurse edhe më larg shkoi pasi shorti në Europa League, i vendosi përballë kampionëve të Republikës së Kosovës, shtet të cilin nuk e njeh Rumania, raporton Klankosova.tv. “Nëse na eliminojnë ata (kosovarët), ne më mirë ta lëmë krejt futbollit”, deklaroi numri një i kundërshtarit të Dritës, Gigi Becali. “Intelektualët” sonte në tokën rumune synojnë të dalin me rezultat pozitiv, në mënyrë që javën tjetër në duelin e kthimit, të mund ta sigurojnë kualifikimin për finalen eliminatore të EL-së. Gjilanasit nuk arritën t’i bëjnë ballë Kopenhagës në Champions, pasi ndaj tyre humbën dy duelet e vlefshme për rrethin e dytë të kompeticionit kryesor futbollistik në Evropë. Tani objektivi i radhës është në turneun e dytë për nga për nga rëndësia, por që edhe nëse nuk e kalojnë Steauan, rruga evropiane vazhdon, duke kaluar në Playoff të Konferencë Ligës, njofton Klankosova.tv. Ndeshja e sotme fillon në orën 20:30!