Rriten kërkesat nga gazetarë, shqiptarë e të huaj për t’i ndjekur gjykimet e Speciales (VIDEO)
Më 3 prill do të nisë gjykimi ndaj ish-drejtuesve shtetërorë të Kosovës në Dhomat e Specializuara.
Zëdhënësja e këtij institucioni, Angela Griep, ekskluzivisht nga hapësirat e gjykatës ka treguar se ka tejet interesim nga gazetarët për t’i ndjekur seancat e gjykimit.
“Po, kemi pasur kërkesa edhe për të ndihmuar me viza që ne t’i lehtësojmë për disa seanca të caktuara që gazetarët të mund të vijnë dhe të raportojnë nga këtu dhe natyrisht e kemi parasysh se jemi rilokuar dhe duam të bëjmë aq sa mundemi që t’ua mundësojmë gazetarëve të raportojnë nga Haga”, është shprehur Griep, njofton Klan Kosova.
“Mendoj se kemi bërë mjaft për t’ua mundësuar gazetarëve të raportojnë për seancat nga Kosova, por na kanë thënë është pak më ndryshe në kuptim të atmosferës kur je në fakt këtu në Hagë, kështu që e kuptojmë se ka një dëshirë për të qenë këtu dhe e lehtësojmë këtë aq sa mundemi. Ka pasur disa kërkesa nga gazetarët e Kosovës që të jenë këtu”.
Ajo ka treguar se interesim të vazhdueshëm ka edhe nga ana e gazetarëve të huaj.
“Po ne kemi gazetarë të rregullt ndërkombëtarë këtu në këtë dhomë të medias, të cilët i ndjekin seancat, ata nuk janë gjithmonë këtu”.
Pse s’ka asnjë simbol të Kosovës në Dhomat e Specializuara? (VIDEO)
Zëdhënësja e Dhomave të Specializuara të Kosovës, Angela Griep, ka folur ekskluzivisht për Klan Kosova duke shpjeguar nga hapësirat e kësaj gjykate dhe funksionin e tyre.
Para kamerës së televizionit, ajo ka shpjeguar se pse askund në objekt nuk ka një simbol të shtetit të Kosovës.
“Ne i kemi vetëm flamujt tanë. Dhomat e Specializuara të Kosovës, siç e dini, operojnë me sistemin juridik të Kosovës, por korniza ligjore e tyre e mundëson që të operojnë në mënyrë të pavarur nga institucionet e Kosovës dhe gjithashtu nga çfarëdo aktori i jashtëm. Pra ne këtu nuk kemi flamur të shtetit të Kosovës”, është shprehur Griep.
“Gjithashtu na pyesin shpesh, sepse besoj se ka një ligj në Kosovë, i cili parasheh që disa institucione të caktuara duhet t’i kenë simbolet e Kosovës, pra për Dhomat e Specializuara të Kosovës, kur Kuvendi e ka aprovuar Ligjin për Dhomat e Specializuara dhe Zyrën e Prokurorit të Specializuar, në atë ligj thuhet që për Dhomat e Specializuara dhe Zyrën e Prokurorit të Specializuar, ligji i Kosovës aplikohet vetëm kur përmendet në mënyrë specifike në Ligjin për Dhomat e Specializuara dhe Zyrën e Prokurorit të Specializuar, ligji për simbolet nuk është pjesë e saj”.
Kur është pyetur se nëse duan që të bëhen neutralë, ajo është përgjigjur: “Neutral në kuptimin që jemi të pavarur dhe natyrisht që punojmë në bazë të ligjit të aplikuar për Dhomat e Specializuara të Kosovës”.
https://www.youtube.com/watch?v=Eh5Lf9X6LVU
Në Luftën e Dytë Botërore e okupuar nga gjermanët, kjo është historia e ndërtesës së Gjykatës Speciale (VIDEO)
Klan Kosova është mediumi i parë nga Kosova që ka arritur të ketë qasje në hapësirat e Dhomave të Specializuara.
Nga atje përveç pamjeve, është arritur që të merret edhe një histori duke nisur nga objekti ku ndodhet ky institucion drejtësie.
E këtë e ka treguar Zëdhënësja e Dhomave të Specializuara, Angela Griep.
“Është një ndërtesë shumë e vjetër, ka shumë histori, në fillim ka qenë shkollë për djem, gjatë Luftës së Dytë Botërore, gjermanët e kanë okupuar këtë ndërtesë. Jashtë se ka një bunker të madh të rrumbullakët, që është bunker i ndërtuar nga gjermanët dhe kjo ndërtesë është bërë pjesë e strategjisë gjermane të Murit Atlantik”, është shprehur Griep.
“Pas luftës, autoritetet holandeze e kanë marrë nën kontroll këtë ndërtesë, mendoj se ka pasur policë dhe disa autoritete të tjera holandeze dhe pastaj Europoli është vendosur në këtë ndërtesë”.
Europol në këtë ndërtesë ka treguar ajo se ka operuar deri në vitet 2008-2009 pasi që më pastaj nevojat e tyre kanë qenë për hapësira më të mëdha.
https://www.youtube.com/watch?v=XOttuUcDk0M
“Kjo ndërtesë u bë e vogël për ta dhe pastaj për një periudhë shumë të shkurtë lëshohej me qira për artistë, aktorë, valltarë, të cilët ishin të gatshëm ta merrnin me qira këtë ndërtesë dhe hapësirat në këtë ndërtesë për periudha të shkurta, për më pak para, por kishin njoftime të shkurta sepse pastaj filluan renovimet për ta shndërruar këtë ndërtesë në atë që është tash, ndërtesë për gjykatë, e cila i ka të gjitha pajisjet teknike për transmetim të seancave në tri gjuhë, që të ketë mundësi të ofrojë konferenca për shtyp në tri gjuhët e kësaj gjykate dhe të ketë një sallë gjyqi moderne, të cilën do ta shohim nga galeria publike”, ka shtuar Griep.
https://www.youtube.com/watch?v=tl9o69wvXWg
Sonte me fillim nga 20:45 në Rubikon me Adriatik Kelmendin, për herë të parë Klan Kosova sjell reportazh brenda Gjykatës Speciale në Hagë.
Po ashtu sonte ekskluzivisht në Rubikon ju sjellim edhe një intervistë me Nevenka Tromp, autore e librit ”Gjykimi i papërfunduar i Slobodan Milosheviqit”.
Klan Kosova është media e parë e rajonit, të cilës i është lejuar qasje me kamera në hapësirat e brendshme të objektit ku më 3 prill pritet të fillojë gjykimi ndaj krerëve të UÇK-së, Hashim Thaçi, Rexhep Selimi, Kadri Veseli dhe Jakup Krasniqi. /Klankosova.tv
Rrini të informuar mbi zhvillimet kryesore duke u bërë pjesë e komunitetit tonë në Viber
BONUS: Merreni aplikacionin tonë në
Android dhe
iOS
https://youtu.be/j5lO0BcDzYg
