Rrjeti 4G i Britanisë, me i dobët se ai i Shqipërisë, Panamasë dhe Perusë

Britania e Madhe “lëngon në linjën digjitale” me rrjetin e 4G, duke u renditur prapa rrjeteve të vendeve si Rumania, Shqipëria, Panama dhe Peru. Kjo sipas këshilltarëve zyrtar qeveritar të infrastrukturës, shkruan Independent, transmeton Klan Kosova. Furnizimi i tregut me shërbime  të telefonisë mobile ka lënë një “shkretëtirë digjitale” dhe jo vetëm “njolla”. Shfrytëzuesit nuk mund të përdorin sinjalin e 4G edhe nëse ata gjenden në qendra të mëdha të qyteteve kryesore. Qeveria ka bërë thirrje që të shkohet tutje, për të siguruar bisedat bazike, tekstet dhe shërbimet e të dhënave dhe për t’i bërë të mundshme te të gjithë britanikët, kudo që ata jetojnë, punojnë apo udhëtojnë. Për këtë vendi thuhet se duhet bërë gati për gjeneratën e re të komunikimit 5G.