Rrjetet sociale nxisin refuzimin e vaksinave

Frika nga efektet anësore të vaksinës është arsyeja kryesore pse njerëzit i refuzojnë ato, thuhet në një raport të publikuar nga Shoqëria Mbretërore për Shëndetin Publik (RSPH) në Britani. Rreth gjysma e prindërve janë të ekspozuar ndaj mesazheve negative për vaksinat, shumica të nxitura përmes rrjeteve sociale. Raporti i kësaj shoqate bëri thirrje për krijimin e platformave mediale për të bërë më shumë për të luftuar “lajmet e rreme”. Miliona jetë janë shpëtuar nëpërmjet vaksinimit, dhe efektet anësore janë të rralla, ka bërë të ditur Shirley Cramer, shefi ekzekutiv i RSPH. “Përhapja e keqinformimit – nëse ndikon në marrjen e vaksinave – mund të dëmtojë rëndë shëndetin publik”.