Rritet koha e pritjeve në pikat kufitare të Kosovës

Qendra Kombëtare për Menaxhim Kufitar ka përditësuar të dhënat, duke bërë të ditur se koha e pritjeve në pikat kufitare të Kosovës, është rritur. Në pikëkalimin kufitar të Dheut të Bardhë, bazuar në të dhënat e QKMK-së, pritjet për të hyrë në vend vijojnë deri në 40 minuta, derisa për të dalë 1 orë, transmeton Klankosova.tv. Në Muçibabë po pritet deri në gjysmë ore për të hyrë në Kosovë, derisa pikat tjera kufitare kanë fluks më të ulët të pritjeve.