Policia në Gjilan ka gjobitur me 300 euro kundërvajtësin i cili më 18 prill si pasojë e ngarkesës së pasigurt në mjet, ka rrezikuar pjesëmarrësit e tjerë në komunikacionin rrugor.
Kjo u bë e ditur përmes një komunikate në të cilën thuhen se gjoba ndaj shoferi erdhi si rezultat i bashkëpunimit me media dhe qytetarë.
“Njësiti Rajonal i Komunikacionit Rrugor Gjilan si rezultat i bashkëpunimit me media dhe qytetarë dhe ndërmarrjes së veprimeve operative hetimore, ka identifikuar dhe shqiptuar gjobën konform ligjit për rregullat në trafikun rrugor në vlerë prej 300 euro ndaj kundërvajtësit i cili me datën 18.04.2025 si pasojë e ngarkesës së pasigurt në mjet ka rrezikuar pjesëmarrësit e tjerë në komunikacionin rrugor dhe ka vështirësuar qarkullimin e lirë të mjeteve”, njofton policia, raporton Klankosova.tv.
●●●
VRSHKRIMI NGA
Ve Ra
Editorial nga Klan Kosova — ndjek lajme dhe zhvillimet e tjera kryesore të vendit.
