Në këtë vend po përgatitet ushqim për refugjatë palestinezë që aktualisht janë duke qëndruar te zona e Khan Jonis të Rripit të Gazës.
Por, të furnizuarit këtu, shumica e të cilëve janë fëmijë, rrezikojnë të kthehen duarthatë, kur të vijnë sërish, pas pak ditëve.
Përgjegjësit e organizatës bamirëse që po ofrojnë ushqim, thonë se furnizimet mund t’u mbarojnë për më së voni një javë.
Furnizimet ushqimore po mungojnë për faktin se Izraeli, sic raporton The Guardian, ka mbyllur Gazën qe 7 javë ushtarakisht, duke lejuar pak mallra të hyjnë në këtë zonë.
Popullata 2 milionëshe e kësaj pjesë të Palestinës varet pothuajse tërësisht nga ndihmat ndërkombëtare për sa i përket ushqimit.
Qeveria në Jeruzalem ka bërë me dije se furnizimet nuk do të lejohen përderisa Hamas t’i lirojë të gjitha pengjet e kidnapuara në Izrael, gjatë sulmeve që ky grup, i cila nga shumë shtete e qeveri të botës konsiderohet terrorist, kreu më 7 tetor 2023.
https://youtu.be/xt_HzQs8BCY
●●●
LESHKRIMI NGA
Lendita Elshani
Editorial nga Klan Kosova — ndjek lajme dhe zhvillimet e tjera kryesore të vendit.
