Rrathët e zinj poshtë syve mund të tregojnë një gjendje jo të mirë shëndetësore

Nëse jeni duke luftuar me gjumin tuaj, atëherë ka mundësi që kjo gjendje të shfaqet në fytyrën tuaj në formën e fryrjes nën sy. Ndërsa shumë njerëz duan të heqin qafe rrathët zinj të syve, një trend i ri i TikTok bën që përdoruesit të aplikojnë qëllimisht grim për t'u dhënë atyre pamje me rrathë të zinj. Ekspertët u kanë kërkuar njerëzve që të mos përkeqësojnë gjendjen nën sy për asnjë tendencë të mediave sociale, shkruan The Sun, transmeton Klankosova.tv. Dr.Roshni Patel tha se rrathët e zinj poshtë syve mund të jenë të zakonshëm dhe nuk janë diçka për të cilën duhet të ndiheni në siklet. “Rrathët poshtë syve shoqërohen zakonisht me mungesën e gjumit dhe shfaqen si ënjtje ose fryrje të lehtë poshtë syve, kryesisht si rezultat i akumulimit të lëngjeve. Ato janë kryesisht një shqetësim kozmetik”, tha ai. Kjo gjendje zakonisht krijohet për shkak të një lodhje të tepërt, por mund të jetë edhe shenjë e problemeve të tjera shëndetësore.