Lajmet e fundit
30 ditë paraburgim gjykata ia ka caktuar reperit të njohur si Fero (Feronit Shabani).
Ai dyshohet se e ka rrahur një person në Gjilan para tre ditësh.
Fero e sulmoi me grushte dhe shkelma viktimën.
"Ekziston dyshimi i bazuar se me datë 24.07.2022 rreth orës 17:00, në Rrugën “Mulla Idrizi” në Gjilan, në rrugë dhe vend publik, i pandehuri pas një mosmarrëveshje të rastit me të dëmtuarin E. E. i cili ishte duke dëgjuar muzikë dhe ishte i ulur ne veturën VW Golf 6 ngjyrë e bardhë si pasagjerë të njëjtin e sulmon fizikisht i pandehuri F. Sh., duke e goditur me grushte dhe shkelma disa herë në pjesë të ndryshme të trupit, deri sa ndërhynë persona të tjerë të pranishëm për ta larguar të pandehurin"- njofton Gjykata Themelore e Gjilanit përcjell Klankosova.tv.
Njoftim i plotë:
Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 (tridhjetë) ditë të pandehurit F. Sh.
Ekziston dyshimi i bazuar se me datë 24.07.2022 rreth orës 17:00, në Rrugën “Mulla Idrizi” në Gjilan, në rrugë dhe vend publik, i pandehuri pas një mosmarrëveshje të rastit me të dëmtuarin E. E. i cili ishte duke dëgjuar muzikë dhe ishte i ulur ne veturën VW Golf 6 ngjyrë e bardhë si pasagjerë të njëjtin e sulmon fizikisht i pandehuri F. Sh., duke e goditur me grushte dhe shkelma disa herë në pjesë të ndryshme të trupit, deri sa ndërhynë persona të tjerë të pranishëm për ta larguar të pandehurin.
Me këto veprime i pandehuri dyshohet se ka kryer veprën penale sulmi, vepër e sanksionuar me Kodin Penal të Republikës së Kosovës (KPRK).
Reperi ishte i përfshirë disa raste të përleshjeve fizike.
Madje, e kaluara e tij problematike nuk mbaroi këtu.
Sipas raportimeve të disa mediave, Fero ishte i përfshirë edhe në rastin kur ishte plagosur menaxheri i On Records Met Elshani, në maj të vitit 2019-të.
https://klankosova.tv/fero-intervistohet-dhe-ndalohet-per-48-ore-nga-policia/?fbclid=IwAR1fw7MZIeE43XKaDr43cP4Cqj10oNY5GFUX3VZM5_lhmzYUxw0qyGMNTaQ
