Rrahmani: Prizreni më së shumti na kërkoi që të mos miratojmë ligjet që cenojnë familjen

Eman Rrahmani, bartësi i listës së Koalicionit për Familje, është duke mbajtur tubim me qytetarë në Prizren. Në tubimin e sotëm, ai tha se është falënderues ndaj qytetarëve të këtij qyteti për mbështetjen që janë duke u ofruar. "Gjatë katër viteve sa kemi qenë deputetë nuk ka pasë asnjë vend dhe asnjë qytet që na ka bërë presion më shumë se sa qytet i Prizrenit mos me leju me u miratu ato ligje që e cenojnë familjen". "Por po e shoh që është qyteti më falënderues për kauzën tonë për mbrojtjen e familjes. Andaj, sot nga këtu ju falënderoj për të gjithë mbështetjen për katër vite, për mbështetjen që po i jepni Koalicionit për Familje, për mbështetjen që do të na jepni më 9 shkurt", ka thënë Rrahmani.