Rrahje në burg, i thyhet nofulla kosovarit i cili u arrestua për dhunimin e një gruaje në Split

29-vjeçari me origjinë nga Kosova, me nënshtetësi britanike, i cili javën e kaluar u arrestua nën dyshimin për përdhunimin e një gruaje nga Spliti në një hotel së bashku me dy persona të tjerë, është sulmuar fizikisht në burg. Lajmin e ka konfirmuar Ministria kroate e Drejtësisë për portalin Dalmantiski. Në përgjigjen e Ministrisë thuhet se një përleshje fizike midis dy të paraburgosurve ndodhi rreth orës 13:15 të enjten në burgun e Splitit. “Menjëherë pas mësimit për përleshjen, të paraburgosurit u vendosën në dhoma të ndara, dhe i paraburgosuri që u ankua për dhimbje u dërgua në Spitalin Klinik të Splitit po atë ditë për ekzaminim, ku mbeti i shtruar në spital në përputhje me vlerësimin mjekësor”. Poashtu bëhet e ditur se 29-vjeçari nga Kosova pësoi një thyerje të nofullës dhe iu nënshtrua operacionit të shtunën. Ai është dërguar në burg sot, transmeton Klankosova.tv. https://klankosova.tv/nje-muaj-paraburgim-per-dy-kosovare-ne-split-dyshohen-per-perdhunimin-e-nje-28-vjecareje-12/