Rrahje mes tre personave në Prishtinë, njëri prej tyre i mitur – përfundojnë prapa grilave

Tre persona janë arrestuar në rrugën “Bajram Bahtiri” në Prishtinë, njëri prej tyre i mitur, nën dyshimin se ishin përfshirë në rrahje dhe të njëjtit kanë përdorur mjete të forta dhe një thikë. Policia bën të ditur se mjetet e përdorura në rast janë konfiskuar në cilësi të provave materiale, ndërsa të tre të dyshuarit pas tretmanit mjekësor janë dërguar në mbajtje për 48 orë, transmeton Klankosova.tv. “Pas një mosmarrëveshje që kishin pasur ndërmjet vete, tre m/k, njëri prej tyre i mitur, të njëjtit  kanë sulmuar  fizikisht  njëri tjetrin, duke përdorur mjete të forta dhe një thikë. Mjetet e përdorura në rast janë konfiskuar në cilësi të provave materiale.  Të dyshuarit kanë pranuar tretmanin mjekësor. Pas intervistimit me vendim të Prokurorit të tre personat e dyshuar dërgohet në mbajtje për 48 orë. Rasti nën hetime”, thuhet në raportin e policisë.