Mbi 20 tifozë të “Vojvoda” kanë sulmuar dy nxënës shqiptarë të shkollës së mesme ekonomike, duke i rrahur barbarisht më 4 shtator në Tetovë.
Sipas viktimave, huliganët fillimisht i kanë fyer me sharje të rënda e më pas i kanë goditur pa pushim me grushte. Nga dhuna e ushtruar, nxënësit nuk mbajnë mend gjithçka që ka ndodhur.
Dy të miturit janë dërguar në Spitalin Klinik të Tetovës me lëndime të rënda. Njëri ka hundën e thyer plotësisht, ndërsa tjetri ka të thyer brinjët dhe krahun e majtë, transmeton Klankosova.tv.
Lidhur me këtë, gazetari Nevrij Ademi për “Ora Shtatë” tha se Tetova ka qenë e qetë për disa kohë, dhe akti barbar tronditi të gjithë.
Sipas Ademit, tetë nga të dyshuarit mund të marrin masën e paraburgimit, derisa shton se Policia në Tetovë ka arrestuar dy burra dhe 16 të mitur.
https://www.youtube.com/watch?v=Go8ojiAqAyA
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
