Rrahen mes vete dy femra dhe një mashkull në Fushë Kosovë, intervistohen nga policia dhe lirohen

Tre persona janë përfshirë në një rrahje pas një mosmarrëveshjeje, rast i cili ka ndodhur mëngjesin e hershëm të 1 tetorit në Fushë Kosovë. Në konflikt ishin një mashkull dhe dy femra kosovare, të cilët, pas përplasjes fizike, janë ndaluar nga autoritetet, transmeton klankosova.tv. Më 2 tetor, të tre të dyshuarit janë intervistuar nga hetuesit dhe, pas marrjes në pyetje, janë liruar me urdhër të prokurorit. Megjithëse të liruar, rasti mbetet nën hetim nga organet e drejtësisë për të përcaktuar përgjegjësitë dhe masat e mundshme ligjore ndaj të përfshirëve. Rrethanat e plota të ngjarjes po shqyrtohen nga prokuroria, ndërsa nuk raportohen dëmtime serioze në këtë fazë.