Lajmet e fundit
Nën moton “Ëndrra pa kufi, Opera pa mure!”, publiku do të ketë mundësi të shijojë një repertor të pasur me arie të interpretuara nga yjet e së ardhmes, të shoqëruar në piano nga Jess Rucinski.
Mbrëmja “New Generation” është një fjalë e dhënë karshi së ardhmes, një hapësirë ku ëndrrat marrin formë teksa zërat e rinj vazhdojnë aftësimin e tyre artistik duke dëshmuar misionin e Fondacionit Rame Lahaj për të mbështetur dhe promovuar artistët e rinj në skenën ndërkombëtare.
Pas këtij koncerti, Festivali Ndërkombëtar Operistik Rame Lahaj, pason me këto aktivitete:
30 korrik | 20:30 Ensemble Evening (Hapësira e jashtme e Bibliotekës Kombëtare, Prishtinë), me prezencën e mezzosopranos gjeorgjiane me famë botërore Anita Rachvelishvili, shoqëruar nga maestro Nikoloz Rachveli.
Festivali Ndërkombëtar Operistik Rame Lahaj përmbyll edicionin e tij të pestë me Gala Mbrëmjen “Rame Lahaj & Friends”, në sheshin Skenderbeu, me 2 gusht nga ora 20:30, ku do të ngjiten në skenë yje ndërkombëtare të operës si sopranoja gjeorgjiane Nino Machaidze, bassi Italian Dario Russo dhe tenori Rame Lahaj, nën tingujt e Orkestrës Simfonike të Radio Televizionit Shqiptar, udhëhequr nga maestro Roberto Rizzi Brignoli.
