Rizvanolli viziton KEK-un, takon ushtruesin e detyrës së kryeshefit që u zgjodh sot

Ministrja e Ekonomisë, Artane Rizvanolli, ka vizituar KEK-un, ku u prit nga ushtruesi i detyrës së zëvendëskryeshefi ekzekutiv, Përparim Kabashi, i cili në këtë pozitë u emërua sot. Rizvanolli u njoftua për gjendjen aktuale, sfidat dhe proceset nëpër të cilat po kalon KEK-u, teksa Kabashi e falënderoi atë për mbështetjen. “Lidhur me këtë, zv. Kryeshefi Ekzekutiv (u.d.) dhe Bordi i Drejtorëve duke falënderuar Ministren Rizvanolli për mbështetjen e vazhdueshme të dikasterit që ajo drejton, siguruan se është duke u punuar pandërprerë në të dy termocentralet për të prodhuar energji elektrike konform planit dhe bilancit energjetik”, thuhet në njoftim, transmeton Klankosova.tv. Tutje, Kabashi tha pjesa më vitale e KEK-ut janë punëtorët, duke shprehur gatishmëri për t’i përkrahur në të gjitha kërkesat të cilat kanë bazë ligjore dhe për të cilat korporata ka kapacitetet ekonomike për t’i përballuar. Kujtojmë se javën e kaluar, kryeshefi i KEK-ut, Nagip Krasniqi, është arrestuar mbi dyshimin për tri vepra penale atë të “Keqpërdorimi i pozitës apo autoritetit zyrtar”, “Ushtrimi i ndikimit” dhe “Konflikti i interesit”, ndërsa ndaj Krasniqit, gjykata ka caktuar masën e paraburgimit në afatj prej 30 ditësh. Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.