Rivaldo kthehet në fushën e blertë

Legjenda e futbollit brazilian, Rivaldo do të kthehet sërish në fushën e blertë në moshën 43-vjeçare.

Kampioni i botës i kombëtares së Brazilit në vitin 2002 është tërhequr nga futbolli rreth një vit më parë por tani ka njoftuar se do të kthehet si pjesë e skuadrës “Mogi-Mirim” që është në kategorinë e dytë të ligës braziliane.

Rivaldo shkroi se edhe njëherë po bën sakrificë.

“Edhe njëherë po e sakrifikoj familjen time për të mirën e klubit dhe shpresoj që ekipin tonë ta shoh në një situatë më të mirë”

Ai tha se nëse gjuri i tij është OK, ai do të luajë në disa ndeshje por do të mundohet që të trajnohet sa ma shumë, transmeton Klan Kosova.

“Nuk do të kthehem të luaj rregullisht por si lojtar me kontratë valide, dua të ndihmoj lojtarët e ekipit tim të del nga kjo situatë e komplikuar” përfundoi ai.