Rita Ora zbulon datën e publikimit të këngës verore me DJ-në e njohur britanik

Këngëtarja shqiptare me famë botërore, Rita Ora ka paralajmëruar publikimin e projektit të saj më të ri. Ajo për fansat e saj ka përgatitur një këngë në bashkëpunim me DJ-në e njohur britanik, Sigala, njofton Klankosova.tv. Rita ka postuar në Instagramin e saj një fotografi të shkëputur nga xhirimet e klipit, ku edhe ka zbuluar datën e publikimit të këngës. “Kush është gati për verë? Jam shumë e emocionuar për bashkëpunimin me Sigala për këngën “You For Me” e cila do të lansohet me 2 korrik”, ka shkruar këngëtarja shqiptare. Projekti i fundit i Ritës është ai i muajit shkurt i titulluar “Bang”.