Rihanna shtatzënë debutoi në tapetin e kuq me të dy djemtë e saj

Rihanna shkëlqeu përkrah djemve të saj, RZA dhe Riot, ndërsa treshja mori pjesë në premierën e filmit “Smurfs” të dielën në Los Angeles. Këngëtarja 37-vjeçare, e cila pret fëmijën e saj të tretë me partnerin A$AP Rocky, bëri një debutim në tapetin e kuq me të dy vogëlushët e saj në eventin e mbushur me yje, përpara publikimit të filmit në kinema më 18 korrik. Kjo vjen vetëm disa ditë pasi këngëtarja mori pjesë në funeralin e babait të saj në vendin e saj të lindjes, Barbados, këtë javë - pasi ai ndërroi jetë në moshën 70 vjeç më 30 maj pas një beteje me kancerin e pankreasit  dhe ndërlikimet që e shoqëronin atë, shkruan Daily Mail, transmeton Klankosova.tv Rihanna eci në tapetin blu të Paramount Pictures Studios gjatë fundjavës, e veshur me një fustan ngjyrë kafe, i cili i tregonte barkun që i ishte rritur. Ajo e kombinoi pamjen me një xhaketë lëkure të zezë, e cila i dha një shkëlqim të veçantë pamjes së përgjithshme.  /Klankosova.tv