Rezultuan me tuberkulozë, asgjësohen gjashtë gjedhe

Agjencia e Ushqimit dhe Veterinarisë, ka njoftuar se i ka asgjësuar gjashtë krerë gjedhe. Kjo për shkak se sipas matjeve kishin rezultuar pozitivë në sëmundjen e tuberkulozit. Sipas AUV-it, kafshët ishin gjetur në komunën e Vitisë, konkretisht në fshatrat Lubishtë dhe Beguncë. "Duke u bazuar në Ligjin e Veterinarisë dhe udhëzimin Administrativ për luftimin dhe çrrënjosjen e sëmundjes se tuberkulozit, brucelozës dhe leukozës tek gjedhi. Komisioni profesional ka nxjerr vendim për asgjësimin e menjëhershëm të kafshëve për të penguar përhapjen e sëmundjes", thuhet në njoftim.