Reuten: Një vend mosnjohës i BE-së shpresoj që shpejt do ta ndryshojë qëndrimin (VIDEO)

Eurodeputeti holandez, Thijs Reuten, në një intervistë ekskluzive për Info Magazine në Klan Kosova, ka thënë një shtet i BE-së që nuk e ka njohur ende pavarësinë e Kosovës, shpreson që këtë do ta bëjë së shpejti. “Te çështja e pesë vendeve mosnjohëse, unë vërtetë shpresoj se njëra prej tyre së shpejti do ta marrë vendimin për njohje dhe kjo mbase do t’i bindte ato katër tjerat. E ndjej se ka një lloj loje të fshehjes, pas njëra-tjetrës, ku njëra thotë ‘po duhet të mendojmë për këtë’”. “Kështu që nëse një vend lëviz drejt njohjes, shpresoj që kjo të ndodh këtë vit, mund të shohim edhe vendet tjera që e kuptojnë se mbajtja e pozicionit bllokues nuk mund të mbahet dhe nuk duhet mbajtur edhe më gjatë”, potencoi eurodeputeti Reuten në Info Magazine në Klan Kosova. /Klankosova.tv