Restaurohet muri kinez, shpërthejnë kritikat  

Është restaurimi që duket aq keq, sa që mund të dallohet edhe nga hapësira. Muri i madh Kinez, që ka 700 vjet vjetërsi, është restauruar dhe mbi të është vendosur nj shtresë e hollë çimentoje, që ia humbë totalisht origjinalitetin. Riparimet janë bërë në vitin 2014, mirëpo vetëm tani ato kanë marrë vëmendjen e publikut, shkruan CNN, transmeton Klan Kosova. Me tu publikuar në internet fotografitë e riparimeve të fundit, përdoruesit e rrjeteve sociale kanë shpërthyer në zemërim e akuza, duke kritikuar autoritetet për zhdukje të historisë. Riparimet janë zhvilluar në pjesën e murit që ndodhet në mes provincave Liaoning dhe Hebei dhe fotografitë janë publikuar nga Pekini News.