Rënia e Murit të Berlinit, Rohde: Liria nuk mund të merret kurrë si e mirëqenë

Më 9 nëntor, Gjermania feston 35 vjetorin e rënies së Murit të Berlinit. Një ngjarje që ndryshoi botën. Një vit më vonë, më 3 tetor 1990, Gjermania u ribashkua pas 41 vitesh ndarjeje. Duke e shënuar këtë ngjarje, ambasadori i Gjermanisë në Kosovë tha se liria nuk mund të merret kurrë si e mirëqenë. “Me guxim dhe dëshirë për liri, populli i Republika Demokratike e Gjermanisë (RDGJ) rrëzoi Murin e Berlinit, duke i dhënë fund ndarjes së Gjermanisë dhe duke hapur me të tjerët rrugën për një Evropë të bashkuar. Angazhimi ynë për lirinë është qenësor si kurrë më parë”. “Liria nuk mund të merret kurrë si e mirëqenë”, shkroi Jorn Rohde në platformën X. Me rrëzimin e diktaturës së dytë në tokën gjermane, pra fundin e RDGJ-së, u zhduk nga harta politike kampi real-socialist në Evropë. Konflikti Perëndim-Lindje përfundoi. 9 nëntori 1989 shënon një ditë me rëndësi të veçantë për historinë e Gjermanisë dhe të Evropës. /Klankosova.tv

With courage and a longing for freedom, the people of the GDR brought down the Berlin Wall, ending Germany’s division and paving with others the way for a united Europe?? Our commitment to freedom is as crucial as ever! Freedom can never be taken for granted ?#WeInvestInFreedom pic.twitter.com/PQXDOZrEmF

— Ambassador Jörn Rohde (@GermanAmbKOS) November 9, 2024