Reali triumfon prapë me të kuq, dy penallti ia sigurojnë fitoren ndaj Marseille

Real Madridi e nisi edicionin e ri të Ligës së Kampionëve me fitore ndaj Marseille. Kampioni i 15-fishtë evropian, kishte shumë më tepër nga loja, dhe vetëm në pjesën e parë, ka mundur rë shënonte mbi katër gola, mirëpo portieri Geronimo Rulli, ishte në formë të hatashme, duke ndalë tentimet e Mbappe, Rodrygo dhe talentit argjentinas Mastantuono. Pjesa e dytë jo si e para, më pak raste, por e rëndësishme për mbretërit ishte fitorja. Gjestin e ulët në ndeshje e bëri kapiteni Dani Carvajal, kur e qëlloi në fytyrë portierin Rulli, dhe u ndëshkua direkt me karton të kuq. Edhe pse 20 minuta ne lojtar më pak, Reali fitoi penalltinë e dytë, prej nga Kylian Mbappe shënoi sërish për t'i dhënë Realit fitoren e parë në edicionin e ri në Champions League. Megjithatë, pjesa e parë u mbyll 1-1, me mysafirët që shënuan të parët me anë të Timothy Weah, por shumë shpejt barazoi Mbappe nga penalltia të cilën e fitoi Rodrygo. Mbretërit edhe në fundjavë në La Liga triumfuan ndonëse luajtën një pjesë të madhe me një lojtar më pak pas skuqjes së Dean Huijsenit.