Brahim Diaz ka reaguar për herë të parë publikisht pas finales dramatike të Kupës së Afrikës, ku Maroku u mposht nga Senegali me rezultatin 1-0 pas kohës shtesë.
Mesfushori maroken u bë protagonist negativ në minutat e fundit të ndeshjes, pasi humbi një penallti vendimtare, duke tentuar të shënojë me panenka, por pa sukses.
Përmes një postimi në rrjetet sociale, Diaz ka shprehur zhgënjimin e madh për humbjen dhe ka marrë mbi vete përgjegjësinë për rezultatin final.
Ai i është drejtuar tifozëve me një mesazh emocional, duke kërkuar falje dhe duke theksuar se ka dhënë gjithçka në fushë.
“Zemra më dhemb shumë. Ky titull ishte një ëndërr për mua. Ju falënderoj nga zemra për çdo mesazh dhe çdo mbështetje që më ka bërë të ndihem i fortë edhe në këto momente të vështira. Luftova me gjithçka kisha dhe për këtë arsye marr përgjegjësinë e plotë për atë që ndodhi. Ju kërkoj ndjesë sinqerisht”, shkruan Diaz./Klankosova.tv
●●●
AHSHKRIMI NGA
Alberta Hyseni
Editorial nga Klan Kosova — ndjek lajme dhe zhvillimet e tjera kryesore të vendit.
