Re e zezë tymi mbuloi Berlinin, 115 zjarrfikës shuan zjarrin

Një ndërtesë gjashtëkatëshe në Berlin u përfshi nga flakët të enjten pasdite, duke lënë një re të dendur dhe të zezë tymi mbi qytet. Rreth 115 zjarrfikës punuan gjatë gjithë natës për të kontrolluar zjarrin dhe për të parandaluar përhapjen në ndërtesat ngjitur, raporton Bild, transmeton Klankosova.tv Zëdhënësi i zjarrfikësve, Vinzenz Kasch, i tha BILD se ndërtesa u evakuua shpejt dhe tani prioriteti kryesor është të ndalohet përhapja e zjarrit në ndërtesat fqinje. Askush nuk u lëndua, por 25 persona u trajtuan dhe po përgatitet akomodim emergjent për 50 të tjerë. Inspektorët po hetojnë shkakun, dhe zjarri mund të ketë nisur nga punimet ndërtimore në çati. /Klankosova.tv