Lajmet e fundit
Policia e Kosovës është duke kryer sërish bastisje në veri të Kosovës lidhur me agresionin në Banjskë të Zveçanit.
Kështu ka konfirmuar për Klankosova.tv, zëvendësdrejtori i Policisë në veri, Veton Elshani, duke shtuar se nuk ka persona të arrestuar gjatë këtyre bastisjeve.
Sipas tij, Policia ka zhvilluar bastisje në tri lokacione të ndryshme në komunën e Zveçanit dhe atë të Mitrovicës së Veriut.
“E konfirmojmë se janë tri bastisje në Zveçan dhe Mitrovicë të Veriut. Nuk ka të arrestuar dhe nuk dihet se çka është konfiskuar”, ka thënë Elshani.
Tutje ai ka bërë të ditur se drejtoria e Policisë në veri, në këtë rast e ka asistuar drejtorinë kundër krimeve të rënda nga Prishtina.
