Rashica: Ku ka më mirë se të shënosh në stadiumin tonë?

Kosova e ka mposhtur Izraelin me rezultat 1:0 në "Fadil Vokrri" me golin e Milot Rashicës. Vet protagonisti foli pas ndeshjes. Ai për Klan Kosova tha se është ndjenjë e veçantë kur shënon për Kosovën. "Për t'i bërë të lumtur të gjithë tifozët, sepse me të vërtetë na kanë përkrahur dhe vazhdojnë të na përkrahin pavarësisht situatës në të cilën jemi", tha Rashica për Klan Kosova. "Ku ka më mirë se të shënosh në stadiumin tonë:, shtoi ai. Pas kësaj fitore, "Dardanët" i kanë 10 pikë në grupin I. Kombëtarës së Kosovës deri në fund të kampanjes kualifikuese për "Euro 2024" i kanë mbetur edhe dy ndeshje, atë kundër Andorrës dhe kundër Zvicrës.