Raportohet se Rusia ka marrë një fshat ukrainas për herë të parë në rajonin e Dnipropetrovskut

Forcat ruse thuhet se kanë marrë një fshat në rajonin ukrainas të Dnipropetrovskut për herë të parë në luftë. Agjencia shtetërore ruse e lajmeve RIA citoi një zyrtar me ndikim pro-rus, Vladimir Rogov i cili tha se forcat e Vladimir Putinit kishin marrë kontrollin e Dachne në rajonin e Dnipropetrovskut, raporton Sky News. Mirëpo, një konfirmim i tillë ende nuk ka ardhur nga Ministria ruse e Mbrojtjes. Andriy Kovalenko, kreu i qendrës së Ukrainës për luftimin e dezinformimit, tha në Telegram se "luftimet janë të vështira" në atë zonë, por se nuk kishte përparim deri në orën 13:00.