Raportet me Epstein, ish-kryeministri i Norvegjisë akuzohet për korrupsion të rëndë

Ish-kryeministri norvegjez, Thorbjorn Jagland është akuzuar për "korrupsion të rëndë" për lidhjet e tij me abuzuesin seksual, Jeffrey Epstein, tha policia. Akuza u ngrit pasi Këshilli i Evropës i hoqi imunitetin Jagland, të cilin ai e gëzonte për shkak të rolit të tij të mëparshëm diplomatik, raporton BBC, transmeton Klankosova.tv. “Ai mohon përgjegjësinë penale dhe është i gatshëm të bashkëpunojë”, ka thënë avokati i tij. Emailet e publikuara nga qeveria amerikane dyshohet se tregojnë se Jagland planifikoi vizita individuale dhe familjare në shtëpitë e Epstein në Paris, New York dhe Palm Beach pasi miliarderi u dënua për krime seksuale me fëmijë. Tre nga pronat e Jagland u kontrolluan nga njësia norvegjeze e krimit Okokrim dhe tani ai pritet të merret në pyetje.