Ramush Haradinaj kujton veprimtarin Smajl Haradinaj: Sakrifica e tij ishte frymëzim për ne

Kreu i AAK-së, Ramush Haradinaj ka kujtuar në përvjetorin e ndarjes nga jeta, veprimtarin e çështjes kombëtare, patriotin e madh, Smajl Haradinaj. Përmes një postimi në Facebook, ai thotë se Smajl Haradinaj nuk kishte një jetë të lehtë, transmeton Klankosova.tv. “Ai përjetoi edhe tmerrin e burgjeve jugosllave, ndërsa të njëjtin fat e pësuan edhe pjesëtarë tjerë të familjes, djemtë; Naimi, Nasimi dhe Agroni, vajzat; Shqipja e Naimja, bashkëshortja Myzaqetja dhe bashkëshortja e Nasimit, Gjejlonja”. “Sakrifica e tij ishte frymëzim për ne dhe për gjithë brezin e luftëtarëve të UÇK-së, në rrugën për realizimin e ëndrrës shekullore të shqiptarëve për të jetuar të lirë. Ai rriti dhe edukoi bij luftëtarë, Agronin dhe Nasimin, të cilët ndoqën rrugën e tij, duke u bërë pjesë e lavdisë së luftës çlirimtare. Lavdi jetës dhe veprës së Bacës Smajl!”, ka shkruar ai.