Rama: Unë jam katolik, gruaja myslimane - djali i lirë të bëhet hebre

Kryeministri i Shqipërisë Edi Rama, i njohur për aftësinë e rrallë për të pasur gjithmonë fenë e duhur në vendin e duhur, gjatë fjalës së tij në Parlamentin izraelit gjeti kohë të flasë edhe për bindjet fetare të djalit të tij. Përballë Benjamin Netanyahut, Rama e ngriti diskursin në një nivel edhe më personal, duke garantuar se edhe feja e të birit mbetet e hapur për negocim. Siç raporton JOQ, Rama deklaroi se nuk do të ishte aspak e pabesueshme që djali i tij të zgjidhte të bëhej hebre, një sqarim i domosdoshëm për të treguar se respekti ndaj Izraelit nuk ndalet te fjalimi, por shtrihet deri te pema familjare. Duke kujtuar se vetë është katolik dhe gruaja e tij myslimane, kryeministri e paraqiti fenë jo si bindje personale, por si një opsion të hapur familjar, të menduar paraprakisht dhe të përshtatshëm për çdo kontekst ndërkombëtar.