Rama sot në Kosovë: Policia njofton për ndërprerje të përkohshme të rrugëve

Sot në Kosovë, do të qëndrojë për vizitë zyrtare, kryeministri i  Shqipërisë, Edi Rama. Me këtë rast Policia e Kosovës, ka njoftuar se gjatë kësaj vizite do të kujdeset për ruajtjen e rendit dhe qetësisë publike si dhe rregullimin e trafikut, gjatë kohës së lëvizjes së eskortës dhe kohës së qëndrimit të delegacionit në Kosovë, transmeton Klankosova.tv. Për të mundësuar qarkullim të lirë të eskortës sipas itinerarit të lëvizjes nga pika kufitare, Policia ka bërë të ditur zhvillimin e aktiviteteve sipas agjendës zyrtare së vizitës. “Policia e Kosovës do të bëjë ndërprerje të përkohshme të qarkullimit të trafikut (në intervale të shkurtra kohore) të disa segmenteve rrugore (ku pritet të kalojë eskorta), ku edhe mund të ketë riorientim të trafikut në rrugë alternative. Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik", thuhet në njoftim.