Rama njofton se nga 1 korriku rroga mesatare e mësuesve në Shqipëri do të jetë 950 euro në muaj

Kryeministri i Shqipërisë, Edi Rama përmes një video të publikuar në llogarinë e tij në Facebook ka treguar se që nga 1 korriku, rroga mesatare e mësuesve në Shqipëri do të jetë 950 euro në muaj. “Nga 1 korriku rriten pagat e mësuesve. 950 euro paga mesatare”, thuhet në videon e publikuar nga Rama. Ai është shprehur se kjo ndodhur falë një rruge të mundimshme reformash e rimëkëmbjeje tërësore të vendit, përcjell Klankosova.tv. “Me kënaqësinë që falë një rruge të mundimshme reformash e rimëkëmbjeje tërësore të këtij vendi që e morëm në dorë copë e çikë, e çuam pagën mesatare të mësuesve në 950 euro në muaj”, ka shkruar tutje Rama.