Kryesocialisti i Shqipërisë, Edi Rama ka kërkuar mandatin e nëntë në qarkun e Durrësit, duke u shprehur se vota për PS-në është votë për Bashkimin Evropian.
Ai u shpreh se tetë mandate i ka të garantuara në Durrës, por duhet më shumë.
“Na duhet diçka më shumë, jo për mua, por për të pasur një vazhdimësi në negociata dhe për mos t’u ndërprerë asnjë sekondë. Imagjino të marrin vesh ata që ju vendosët të rrini me bufin. Me atë që në një fjalim i fiket tre herë llampa. Çfarë do të thotë në Bruksel, ‘do të rrisim tavanin?’”
Rama ka akuzuar kundërshtarin e tij politik se garon për interesa vetjake, ndërsa pretendoi se vetë garon për të ardhmen e vendit.
“E mban peng këtë vend për kusuret e veta. Do zgjedhim mes interesit të një vendi të tërë dhe një interesi shtëpie. Do bëhemi me njëshat apo me bufin në gropën e kënetës nga e para”, ka thënë ai, raporton Top Channel.
●●●
VRSHKRIMI NGA
Ve Ra
Editorial nga Klan Kosova — ndjek lajme dhe zhvillimet e tjera kryesore të vendit.
