Lajmet e fundit
Gjysma e parave të fushatës për zgjedhjet e 14 Majit do të vihen në dispozicion për mbjelljen e fidanëve. Kështu u shpreh kryeministri i Shqipërisë, Edi Rama, gjatë fjalës që mbajti në Konventën Ndërkombëtare të Turizmit që po mbahet në Pallatin e Kongreseve, me qëllim uljen e nivelit të karbonit.
“Jemi para zgjedhjeve dhe do të marrim vendim se duke qenë se gjysma e fushatës sonë përkon me periudhën e fundit të mbjelljeve të gjitha takimet e mitingjet tona do të jenë vetëm për mbjellje dhe paratë e fushatave do të shkojnë për mbjellje. Mendoj që kjo do të jetë fushatë me zero karbon për gjysmën e saj".
"Duke qenë se fushata fillon me 14 Prill dhe mbaron me 14 Maj, duke qenë se është koha e fundit për të mbjellë fidanë paratë e fushatës për podiume, mitingje, mikrofona, ndotje akustike do t’i bëmë në dispozicion të blerjes dhe mbjelljes së fidanëve. Pastaj dy javët e fundit do të bëjmë atë që kemi bërë gjithmonë. Mbase do ta marrin edhe vendet e Evropës këtë model”, u shpreh Rama./abcnews.al/
