Rama: Është koha që Serbia të përballet me vetveten (VIDEO)

Kryeministri i Shqipërisë Edi Rama, i është drejtuar gazetarëve pas pjesëmarrjes në Samitin e liderëve të Bashkimit Evropian dhe Ballkanit Perëndimor. Temë e diskutimit në këtë konferencë ishte edhe Kosova e Serbia. Me këtë rast, Rama tha se është koha që Serbia të përballet me vetveten. "Të vendosë të gjithë gurët tek e ardhmja europiane dhe ti përgjigjet në mënyrë konstruktive ndryshimit pozitiv të Kosovës në dialogun e ndërmjetësuar nga BE", tha Rama. Kreu i qeverisë shqiptare theksoi që është koha që Kosova ka humbur gjatë kohë me moskrijimin e Asociacionit të Komunave me shumicë serbe. "Është koha që Kosova të ndërtojë qasjen mbi themelin e ri që ka vënë me hapin shumë pozitiv që hodhi duke pranuar pas një humbje kohe të gjatë krijimin e asociacionit e komunave me shumicë serbe duke bërë që t’i hapë rrugë të gjithë përfitimeve që vijnë nga një marrëveshje përfundimtare”, tha ai.