Rahovec, digjen 350 trupa të kumbullave, 20 ari mal dhe një objekt - nisin hetimet

Një burrë ka raportuar në polici se nga një zjarr që ka shpërthyer për shkaqe të panjohura në Rahovec, i janë djegur objekti përcjellës i shtëpisë, 350 trupa të kumbullave dhe rreth 20 ari mal. Lidhur me rastin është njoftuar prokurori dhe është në hetime e sipër, përcjell Klankosova.tv. “Ankuesi kosovar ka njoftuar policinë se si pasojë e një zjarri që ka shpërthyer për shkaqe të panjohura i janë djegur: një objekt përcjellës i shtëpisë, 350 trupa të kumbullave dhe rreth 20 ari mal. Është njoftuar prokurori, rasti është duke u hetuar”, njofton raporti i policisë.