Rahovec: Burri gjuajti me armë zjarri, arrestohet nga policia

Një burrë u arrestua gjatë ditës së djeshme në Xërrxë të Rahovecit. Ai ishte vërejtur nga policia duke shtënë me armë zjarri. Kjo u bë e ditur në njoftimin e policisë, transmeton Klankosova.tv "Një patrullë e trafikut rajonal, gjatë patrullimit të saj rutinë, ka vërejtur një të dyshuar mashkull të moshës madhore duke shtënë me armë zjarri. Pas identifikimit të vendndodhjes së të dyshuarit, patrulla policore ka reaguar menjëherë duke arritur të lokalizojë dhe të arrestoj të dyshuarin. Në vendin e ngjarjes, janë gjetur dhe sekuestruar arma e përdorur, katër gëzhoja, si dhe 46 copë fishekë", thuhet në njoftim. "Me vendim të prokurorit kujdestar, i dyshuari është ndalur në mbajtje për 48 orë si dhe është iniciuar rast “Mbajtja në pronësi, kontroll ose posedim të paautorizuar të armëve dhe përdorimi i armës apo mjetit të rrezikshëm”, thuhet ndër të tjera në njoftim transmeton Klankosova.tv