Rahovec: Burgim të përjetshëm për personin që vrau vëllain dhe i dogji trupin

Burgim të përjetshëm për G.K.

Vendimi është marrë të mërkurën nga Gjykata Themelore e Gjakovës.

Kjo për shkak se i pandehuri akuzohet për vrasjen e të vëllait dhe djegien e trupit të tij dhe mbetjet i kishte hedhur në një vend deri tani të paidentifikuar, me qëllim për ti zhdukur gjurmët e krimit.

Rasti ka ndodhur më 11 janar 2020, në fshatin Bërnjak të Rahovecit, njofton Klankosova.tv

"I pandehuri ka qenë i dënuar më parë për vrasjen e bashkëshortes nga Gjykata e Lozanës, në Zvicër", thuhet në njoftimin e Gjykatës Themelore në Gjakovë.

Kundër këtij aktgjykimi, palët kanë të drejtë ankese në afat prej pesëmbëdhjetë ditëve nga dita e pranimit të aktgjykimit në formë të shkruar/ Klankosova.tv

Lidhur me rastin pati raportuar edhe Klan Kosova.

https://klankosova.tv/rahovec-vret-vellane-dhe-me-pas-djeg-trupin-e-tij-video/